gmail par account kaise bbanaye

Gmail par account kaise banaye ? Step by step guide in hindi

gmail par account kaise banayeGoogle ek badi company hai jiske bahut se product, service aur website hai. Google ke kisi bhi product/ website ka paryog karne ke liye hume google par apna ek account banana padta hai. Is account se google ko humare baare me detail milti hai jiske hisab se google hume humse related service/ offer provide karwata hai. Jab hum google par apna account banate hai to google hume 1 username (Jaise – RamSinha) aur 1 email address (Jaise – ramsinha0001@gmail.com) deta hai, Jiska paryog hum google ki kisi bhi service (Jaise – Youtube, Blogger, G+, Adsense etc.) ko use karne ke liye kar sakte hai. Gmail bhi google ki hi ek service hai jiska paryog mail bhejne aur pane ke liye kiya jata hai. To is parkar hum kah sakte hai ki Google account aur Gmail account dono ek hi hai, Aur yah article isi topic par likha gaya hai ki Gmail par account kaise banaye ?

Gmail par account kaise banaye ?

Sabse pahle apne browser se www.gmail.com par jayen. Agar aapka koi google account pahle se hi login hai to vo khul jayega lekin agar aapka koi google account nahi hai to page khulne ke baad CREATE NEW ACCOUNT par click karen.

Ab ek naya page khulega jisme aapko ek form bharna padega taki google ko aapki basic detail mil sake. Ye form is parkar hoga – gmail form to new account

  1. Name: Is field me aapko apna 1st and last name bharna hai. Agar aap kisi company/ Website ke liye gmail account bana rahe hai to aap isme apni company/website ka naam bhi bhar sakte hai. (Jaise – Ramsinha LTD)
  2. Username: Is field me aapko ek username daalna hai jisko baad me login karte vakt paryog karna padega. Jo aap username yahan daloge usi se aapko email address milega. Jaise maan lijiye aapne apne username me ‘ramsinha0001’ dala hai tab aapko email address ‘ramsinha0001@gmail.com’ milega.
  3. Password: Yahan aapko ek secure password dalna hai. Isi password se hi aap apna account login kar sakte hai. Next field me aapko yahi password repeat (confirm) karna hai.
  4. Birthday: Is field me aapko apni (Real) date of birth daalni hai. Yah is format me hoti hai – month/day/year.
  5. Gender: Yahan aapko apna gender/sex choose karna hai.
  6. Mobile phone: Yahan aapko apna moblie number bharna hai jo aapke paas abhi mojud ho. Isi mobile number se aap apna account karna hai aur baad me kabhi bhi agar account band ho jaye to aap isi number se account ko recover kar sakte hai.
  7. Email address: Yahan aapko ek email address dalna hai jo baad me account recovery ke liye kaam aata hai. Yahi recovery aap mobile number se bhi ho jati hai to aap is field ko khali bhi chod sakte hai.
  8. Location: Aapko yahan us desh ka naam bharna hai jahan aap is account ko paryog karoge.
  9. Next step: Sara form sahi bharne ke baad aapko yahan click karna hai.

Click karne ke baad ek naya page open hoga jisme google ki privacy policy di huyi hoti hai. Aapko is policy ko achche se padna hai. Is policy ko padhkar ‘I AGREE’ par click karen. Yahan aapko is policy ko agree karna hi padega varna aap google/gmail par apna account nahi bana sakte hai.

Verify your google accountNext step me aapko apna account verify karna hota hai. Ye verification mobile number dwara kiya jata hai. Yahan aapko do option milenge – SMS aur Phone call. Inme se kisi se bhi option ka use karke aap apne phone par OTP ( 6 Digit ka ek pin) prapt kar sakte hai. OTP paane ke liye ‘Continue’ par click karen.

Aapke mobile par ek 6 number ka OTP aayega. Is step me aapko OPT number ko bharna hai.Verify OTP for google

Aapka gmail account ban chuka hai jise aap google ki kisi bhi service ya fir email address ke roop me istemaal kar sakte hai. Mail bhejne ya pane ke liye kabhi bhi www.gmail.com par jakar login karen.

Thanks.

Leave a Reply

Your email address will not be published. Required fields are marked *