wordpress par blog kaise banaye

WordPress par blog kaise banaye ? Step by step guide in hindi

WordPress ek trustful aur behatreen features wala blogging platform hai. Yahi karan hai ki duniya ke lagbhag 91% blog WordPress par banaye gaye hai. Is article me hum janege ki wordpress par blog kaise banaye aur ise kaise paryog karen. Yahan ‘wordpress’ se mera matlab worpress.org se hai, Na ki wordpress.com se. Kyonki wordpress.com kafi mahnga padta hai jabki dono me ek jaise hi features hai isiliye adhiktar log wordpress.org ka hi paryog karte hai.

wordpress par blog kaise banayeWordPress par blog banane ke liye sabse pahle hume apna domain name aur hosting kharidni padegi jiska 300-600 Rs. / mahine ke hisab se charge dena padega. Lekin agar aap abhi blogging sikh rahe hai ya fir free me blog banana chahte hai to Blogger.com ko paryog karke apna blog bana sakte hai. WordPress aur Blogger ke alawa aap thumblr, Medium Ya fir WordPress.com ka bhi blogging ke liye paryog kar sakte hai.

Read: Blogger par free me blog kaise banaye?

Jaisa ki pahle hi bataya ja chuka hai ki wordpress par blog banane ki liye hume khud ki hosting aur domain name kharidna padta hai. To shuru karte hai pahle step se-

Step: 1 Domain name kharide

Domain name kya hai ?

Domain name ek special network address hota hai jo kisi khas website/domain se juda hota hai. Domain name ke dwara hi hum kisi website ko kholte hai. Aasan sabdo me kahe to domain name aapki website ka address hai. (Jaise – Google ka domain name hai : www.google.com)

Domain name kaise kharide ?

Agar aapke paas koi domain name nahi hai to aap kisi bhi domain registrar ki website par jakar apna domain register kar sakte hai. India me top domain seller/registrar hai –

  1. Godaddy india
  2. Bigrock india
  3. Bluehost
  4. Ipage
  5. Hostgator

Yahan me aapko step by step bataunga ki Godaddy se domain name kaise kharide –

in.godaddy.com par jayen aur ‘sign in’ par click kare. Agar aapka godaddy par account hai to login kare nahi to ‘Create new account’ par click kare. Click karne ke baad ek form khulega jise is parkar bharna hai-

godaddy par account banaye

  1.  Is par click karne par aap apne facebook account se hi godaddy me login kar sakte hai.
  2. Agar aap facebook se login nahi karna chahte hai to yahan apna email address bhare. Agar aapke paas email address nahi hai to aap humari ye post padkar aasani se apna gmail account bana sakte hai. Read: Gmail account kaise banaye?
  3. Yahan par godaddy ke liye koi ek username chune.
  4. Yahan par aapko apne account ke liye naya password dalna hai jisme kam se kam 1 numeric (Jaise – 1, 8), 1 uppercase (Jaise – D, A) aur 1 lowercase (Jaise – d, a) letter jaroor hona chahiye. Iske sath hi password kam se kam 9 Characters ka hona chahiye. Ex. – passWORD123
  5. Yahan aapko apne account ke liye ek 4 digit ka pin dalna hai ; Jaise – 1234
  6. Form ko bharne ke baad is button par click kare.

Aapka account ban chuka hai. Ab aap koi bhi apna manpasand domain name search karen. Agar aapko koi domain name pasand aa jaye to use ‘Add to cart’ par click karke cart me add karen.

Ab aapko payment karne ke liye ‘Continue to cart’ par click karna hai. Aage aapko hosting ke kuch plan dikhayi denge jinko abhi avoid kar dena hai. sabhi option me ‘No thanks’ par mark karen aur ‘continue’ karen.

Agle page par aapko sirf term select karna hai Yani ki aap apne domain ki payment kitne saal ke liye karna chahte hai. Yahan koi bhi ek option select karen aur ‘Proceed to Checkout>’ par click karen.

Ab ek naya page open hoga jahan par aapko apni detail (Naam, Pata, Phone number, City, Zip code) bharni hai. Detail bharne ke baad koi bhi ek payment option select karen Jaise maan lo aap apne ATM card se pay karna chahte hai to Debit card ka option select karen aur ‘Continue’ par click karen.

Naya page open hoga jahan finally apni detail achhe se check kar le aur fir se ‘Coninue’ par click karen. Next page par aapko apne ATM card ki detail bharni hai Ye detail bharne ke baad ‘Make payment’ par click karen. Ab aapke card ke hisab se kuch bank ke option aayenge jinko bharne ke baad aap successfully apna domain kharid payenge.

Kabhi bhi apna domain check karne ke liye aap in.godaddy.com>Sign in >Domain >My domain/ par visit kar sakte hai. Agar aapko domain kharidne me kisi bhi parkar ki koi problem aa rahi hai to aap is post par comment kar sakte hai taki me aapki help kar saku.

Agle step me hum apne domain ke liye hosting kharidenge.

Step: 2 Hosting kharide

Web hosting kya hai ?

Domain name kharidne ke baad aapko apne blog ko live karne ke liye Hosting Platform ki jarurat padti hai. Hosting vo jagah hoti hai Jahan aap apne blog/web ka sara data rakhte hai aur jahan se aap apne blog/web ko control karte hai.

Lagbhag sabhi domain name seller Hosting bhi provide karwate hai. India me top Hosting provider hai –

  1. Unionhost
  2. Hostgator
  3. Godaddy
  4. Hostsoch

Hume kis parkar ki hosting ki jarurat hai ?

Hosting kayi type ki hoti hai –

  • Shared Web Hosting
  • Reseller Web Hosting
  • Cloud Based Web Hosting
  • Virtual Private Server (VPS)
  • Dedicated Web Server
  • Colocation Web Hosting
  • Self Service Web Hosting
  • Managed WordPress Hosting

Hume apne domain ke liye Shared web hosting choose karni hai. Isme hum Window SW hosting ya Linux SW hosting dono me se kisi ek ko chun sakte hai. Me full security or Best service ko dhyan me rakhte huye Hostgator se hi hosting lene ki salah dunga. hostgator se hosting kaise kharide aao jante hai –

Hostgator se hosting kaise kharide ?

Hostgator Hatching planwww.hostgator.in Par visit kare aur Shared Hosting> Linux Web Hosting ko chune. Ab Hosting ke 3 plan dikhayi denge jinme se aapko ek chunna hai. Aap abhi Hatching plan ko chune kyonki hum abhi blogging start hi kar rahe hai to hume badi hosting ki abhi jarurat nahi hai. Koi bhi ek term select karen aur ‘Buy Now’ par click karen. Ab Hostgator humse puchta hai ki aapke paas apna domain name hai? To ‘Yes’ par click kare aur apna domain name bhare Jo humne Godaddy se kharida hai. Domain name bharne ke baad ‘Continue’ karen.

Ab is parkar ka ek naya page open hoga.Hostgator Plan remove extra option

  1.  Yahan hume delete icon par click karke is service ko cart se remove karna hai kyonki hume apne blog ke liye SiteLock ki jarurat nahi hai.
  2. Ise bhi hume remove karna hai. (Option 1 aur 2 Extra security ke liye hote hai agar aap anhe bhi apne blog ki hosting ke sath hi kharidna chahte hai to aap inhe remove na karen.
  3. Yahan se apni hosting ke liye payment term chune.
  4. Agar aapke paas koi Hostgator ke liye koi coupon hai to aap use yahan bhare aur apply kar de.
  5. Payment karne ke liye Yahan click karen.

Ab aapko hostgator ke liye login karna hai. Agar aapka Hostgator par account nahi hai to ‘Create an account’ par click karen. Is par click karne ke baad ek form aata hai jahan aapko apni detail (Name, Address, Postal code, Moblie number) bharni hai. Form ke dusre part me aapko apna email address aur password bharna hai. Form ko Bharne ke baad ‘Confirm’ karen.

Is step me aapko Payment option Choose karna hai. Agar aap ATM card se payment karna chahte hai to Debit card par check karke I agree par check kare aur ‘Pay Now’ Par click karen.

Ab aapko apne ATM card ki detail bharni hai jiske baad aap apne domain ke liye hosting kharid payenge.

Aapne apne domain ke liye hosting kharid li hai ji aap kabhi bhi manage.hostgator.in par login karke dekh sakte hai.

Step 3 : Domain name ko Hosting se jode

Hum apna domain name aur hosting kharid chuke hai ab hume apne domain name ko hosting ke sath connect karna hai . Aisa karne se hi hum apne domain ko hosting se control kar payenge.

manage orders hostgatormanage.hostgator.in par jakar login karen. Manage order par jakar List/Search orders par ‘click’ karen.

Ek naya page open hoga vahan apne domain name par ‘click’ kare. Ab naye page me aapki hosting se related sabhi service ka ek panel open hoga. hume yahan se apne domain ke liye Nameserver dundne hai jo hume hosting ke sath mile hai. Linux Hosting (India) > name server details par ‘click’ karen

Yahan hume 2 nameserver milenge jo kuch aise dikhenge-

  • xx1.xx-xx-37.webhostbox.net
  • xx2.xx-xx-37.webhostbox.net

Note: Yahan admin detail bhi di huyi hai use bhi note karle taki Cpanel ko kholne me vo kaam aa sake. Admin detail me 3 cheeje di huyi hoti hai- Cpanel URL, Username, Password.

Ab hume apne domain ko hosting se jodne ke liye Domain registrar ki website par jakar login karna hai aur nameserver ko vahan bharna hai.

in.godaddy.com>Login>Manage my domain> Select your domain> click ‘manage DNS’ >Change nameserver > add custom.

Ab yahan apne dono nameservers bhar de aur 24 se 48 hours tak wait karen. Ab aapka domain hosting ke sath connect ho jayega. Yahan se hum ab apne domain ke sare work Hosting Provider (Hostgator) par hi karenge.

Step: 4 WordPress install kare aur blog live karen

Cpanel URL (Vo URL jo humne Admin area se note kiya tha ) par visit karen. Ab apna Cpanel username aur Password bharkar login karen.

Aapka Cpanel open ho jayega. Yahan hume SOFTACULOUS APPS INSTALLER me jakar ‘WordPress’ par click karna hai. Ab ek naya page khulega vahan ‘Install Now’ par click karen. Ab ek form aayega jise is parkar bharna hai-WP installer form

  1. Yahan aapko ek protocol chunna (Jaise – aap apne blog ko www ke sath kholna chahte ho ya fir bina www ke) hai. . Yahan HTTPs tabhi chune jab aapne SSL Certificate liya hua ho.
  2. Is section aapko apna domain chunna hai. Aap yahan subdomain bhi chun sakte hai agar aapne koi subdomain banaya hua hai. App Cpanel me apne domain ke subdomain taiyar kar sakte hai.
  3. Yahan aapko choose karna hai ki aap wordpress ko kis directory me insall karna chahte hai. Jaise agar aap chahte hai ki www.yourdomain.com/blog par aapka blog bane tab yahan blog likhe. Agar aap apne domain ko hi blog me badlana chahte hai to ise khali chod de aur wp ko clear kar de. Agar aapko iska pura knowlegde nahi hai to aap ise empty karke chod de.
  4. Yahan apne blog ka title bhare (Jaise – Motivational Story)
  5. Is field me apne blog ki description bhare (Aap apne blog ka title aur description baad me edit bhi kar sakte hai.)
  6. Yahan wordpress blog ek liye ek admin name (Apna naam )bhare.
  7. Ek strong password select karen.
  8. Yahan aap apne blog ke liye ek email address select karen.
  9. Apni ek language chune jisme aapko apna wordpress dashboard control karna hai.
  10. Insall par click karne se pahle field (11) bhi dekh le.
  11. Yahan ek email address bhare jis par aapko insallation ki detail bheji jayegi.

‘Install’ par click karte hi installation shuru ho jayegi. Jab installation complete ho jaye tab aapko wordpress cpanel ke liye ek URL (Ex. Yourblog.com/wp-login) milta hai. Us URL par click karen Aur apna wordpress admin name aur password bharkar login karen.

Is parkar worpress install karte hi aapka blog live ho jayega jise aap wordpress cpanel se control/customize kar sakte hai.

Step : 5 Blog ko customize karen

Apne wordpress URL se Cpanel open karen. Ye kuch is parkar dikhega jiska basic knowledge niche diya gaya hai-wordpress dashboard

  1. Dashboard: Yah aapke wordpress cpanel ka main page hai jahan aapke blog par huyi last activities aur latest news/ notification show hote hai. Iske sath hi yaha total page, posts aur comment bhi dhikhayi dete hai. Yahan ek quick draft ka bhi option hota hai jaha se hum new drafted post likh sakte hai.
  2. Posts: Is section me total Posts, Categories aur Tags hote hai. Yahi se hum new post likhte hai ya phir pahle likhi huyi post ko edit/ delete kar sakte hai.
  3. Media: Is section me blog ka sara data (images , videos pdf etc.) save rahta hai. Yahan se hum inhe edit/delete kar sakte hai.
  4. Pages: Yahan humare blog ke sare page hote hai.
  5. Comments: Is section me blog par kiye gaye comment hote hai. Yahan se hum new comment ko approve karte hai aur reply karte hai.
  6. Appearance: Is section me Theme, Customize, Widget, Background setting, Menu etc option hote hai. Yahan se hi hum apne blog ko design karte hai. Iske sath hi hum menu ya header ki setting bhi yahi se karte hai.
  7. Plugin: Yahan humare blog ko aur adhik badhiya look dene ke liye extra Plugin hote hai. Inko hum apne usage ke hisab se install karte hai aur paryog karte hai.
  8. Users: Is section me blog ke sare admin, subscriber, follower, author aur aditor hote hai. Yahan hum is sabki profile bhi edit kar sakte hai.
  9. Tools: Yahan aapke blog par available tools show hote hai.
  10. Setting: Setting me humare blog ki General, Writing, Reading, Permalink, Sharing etc ki setting hoti hai.

To dosto mein ummid karta hun ki aap ‘ WordPress par blog kaise banaye aur use kaise customize kare ‘ ye sab sikh gaye honge. Agar aapko is process me kahin bhi koi problem aati hai to aap directly Comment karke, Mujhe personally message karke ya phir mail (care@webgro.in) dwara bhi humse solution le sakte hai.

Aapki madad karke mujhe khushi hogi. Thanks.

2 comments

Leave a Reply

Your email address will not be published. Required fields are marked *