All Google Algorithm Updates In Hindi

All Major Google Algorithm Updates In Hindi. Google Search Engine Ke Sare Main Update Ki Jankari

Google world me sabse jyada paryog kiya jane wala search engine hai. Yah world ki No.1 website bhi hai. Ise No.1 banane ke liye na jane isme kitne badlav huye hai, Aur aaye din bhi naye update hote rahte hai. Aaj hum sare google algorithm updates ke bare me janege jinke karan google search engine aaj is mukam par hai.

Google apne accurate search ke liye jana jata hai. Google ka algorithm high quality ki post ko high rank deta hai vahin low quality ke page ko ignore kar deta hai, Taki apne user ko badhiya experience de sake.

Quality ke sath-sath aur bhi bahut sare factor hai jo page ko rank karne me yogdan dete hai; Jaise:- Backlink, Page athority, Content type, Language etc.

Read: Paytm detail??All Google Algorithm Updates In Hindi

Lekin kis tarah Google ne apne users ko banaye rakha aur behtar experience provide karwaya, Aao jante hai:-

All Google Algorithm Updates

1. Florida Algorithm Update

Released : 16-November-2003

floridaYah google ka pahla sabse bada update tha. Iska sabse jyada effect ‘E-commerce’ aur ‘Product Affiliate’ websites par pada. Jo E-commerce Websites High ranking ke keyword ko paryog karke top ranking kar rahi thi unhe is update se bahut nuksan hua.

Google ne Florida update me mainly ‘E-commerce’ aur ‘Product Affiliate’ websites ko hi liya kyonki ye website bahut jyada spam kar rahi thi, Jinke karan user tak sahi result pahuchane me google ko dikkat aa rahi thi.

Florida update ki jarurat kyon padi ?

Google kafi time se spam ko rokne ki kosish kar raha tha. Pichle Algorithms ka fayda uthakar kuch website (Khastaur par E-commerce ), Jinhe Google SEO ka pura knowledge tha, Ve bahut adhik spam kar rahi thi. Ye website high keywords ko apne page me bahut adhik baar paryog karte sath hi anchor text me bhi keyword ka galat istemal ho raha tha.

Is spamming ko pahchanne ke liye google ke paas koi tarika nahi tha, Isiliye ye website high rank paakar top me aa rahi thi, Vahi dusri website jinhe asal me top par hona chahiye tha ve search engine ke top me show nahi ho pati thi. Isi ko dekhte huye google ne apne search engine ki algorithm me ek bada update “Florida” launch kiya.

Florida se kya fark pada ?

  • Keyword Spamming:¬†Florida ka sabse pahla kaam tha keyword spamming ko rokna. Florida ne Adwords tool se “Most-paid keywords” liye kyonki spammer inhi keywords ko target karke page bana rahe the. Florida na SEO rule se jyada paryog kiye gaye keywords wale pages ko spam mana aur unhe checking ke liye filter me rakha jane laga.
  • Stemming: Florida ki yah bhi feature thi ki wo keyword ko pahchankar usse related search result de deta tha. Jaise maan lijiye agar kisi ne ‘ASK’ search kiya ahi to Florida Algorithm ‘ASKS’ ‘ASKING’ ‘ASKED’ Jaise milte jilte keywords ke result bhi show karta tha.
  • Pagerank: Florida ne spamming ko rokne ke liye keyword ko hi target nahi kiya. Isne Link exchange, Link Community aur Inbound link ki value ko bhi kam kar diya.

2. Big Daddy Update

Released : Dec-2005

google-big-daddyGoogle search engine apni Link-Based ranking ke liye jana jata tha. Yani ki jis website ke backlink jyada honge use high rank milti thi. Halanki Florida ne Low quality ke backlink ki value kam kar di thi, But phir bhi ‘Link Exchange’ or ‘Link selling program’ Bahut jyada ho gaye jis karan rojana bahut se link/page banne lage, jinhe index karna google ke bas se bahar ho gaya.

Kyonki google link ko index hi nahi kar pata tha isiliye link ki quality ka pata nahi lag pa raha tha, Jisse Florida bhi effected ho gaya.

Isi ko lekar google ne The Big Daddy update relaese kiya. Yah ek software tha jo bahut jaldi aur behtar tarike se page ko index kar leta tha. Iski crawl speed bhi bahut adhik thi.

Big Daddy link/page ki quality aur trustbility ko check karta aur isi ke sath backlink bhi dekhta. Yah law-quality, Exchanged,unrelated backlink ko count hi nahi karta.

Big daddy system content ki quality par focus tha. Agar kisi site me use un-trustfull link milte to vo site ke sare index hi nahi karta aur agar pahle se index ho chuke hote to vo unme se related ko un-index bhi kar deta.

Big Daddy se kya fark pada ?

  • Website ki link quality par focus kiya gaya to websites se untrustfull aur low quality ke pages remove hone lage.
  • Link Exchange, Link community aur Link Seller se mile links ki value ‘0’ kar di gayi jinse ye program bhi band ho gaye.
  • Agar kisi website me ek page low quality ka hota to usse related dusre page par bhi negative effect padta.

3. Caffeine Algorithm Update

Released : June-2010

google-caffeine-cupThe Big Daddy ke baad 2010 me Google ne apne algorithm me ek bada badlav kiya jise Caffeine Update ka naam diya gaya.

Google ke anusar-

“Website ke content jyada ho rahe hai. Yah page size aur numbro me hi nahi balki video, image, news aur real-time update ke roop me bhi badh rahe hai. Is karan webpage ko samjhna hard hota ja raha hai.

Log (user) jo search result pate hai , ve unse khus nahi hai. Ve nayi Jankariya pana chahte hai aur publisher bhi chahta hai ki uski post publish hote hi search me index ho jaye.

Isi ko dhyan me rakhte huye ‘Caffeine’ ko launch kiya ja raha hai. Caffeine ek second me hazaro process kar leta hai. Agar webpages ko kagaj ka dher maan liya jaye to Caffeine ek second me 3 meel ki duri tak ke kagaj padh lega. Caffeine ke ek database ki storage 100 million GB hai. Jisme roj aneko units bhi jodi ja rahi hai.”

Source: Google Official Blog

caffeine
Source : googleblog.blogspot.in

Caffeine ne kya badlav kiye ?

  • Caffeine bahut adhik fast tha jis karan yah daily pages ko index karne laga. Yah naye pages ke sath-sath purane pages ko bhi index kar leta. Jisse agar koi publisher purane content me koi change karta to vo jaldi hi index ho jata, Joki publisher ke liye achhi khabar thi.
  • Isske sath hi webpages ki ranking bhi daily badlane lag gayi, Yani ki jo webpage kisi din 20 No. par rank kar raha tha vo agle din 18 bhi ho sakta tha aur 22 bhi. (Yah SEO par depend tha.)

4. Panda 4.0 Update

Released : 23-Feb-2011

Google-Panda-4Google ke ek engineer Navneet Panda, Jisne is technology ko taiyar kiya, ke naam par 23th Feb 2011 ko Panda Algorithm Update launch kiya gaya. Panda ko low quality site aur thin content ko penalize karne ke liye banaya gaya tha. Isko launch karne ka main karan tha ki bahut se publisher dusri websites se content copy karke high rank pa rahe the jo ki galat hai.

Panda ne naye rule banaye, Jinke anusar:-

  • Website par content trustfull hona chahiye.
  • Content Original Hona Chahiye.
  • Spelling ya grammar ke mistake na ho.
  • Content Auther ko content topic ka pura knowledge ho.
  • Content pura ho, Yani ki title ke hisab se content me sari baate likhi huyi ho taki reader/visitor ko achha experience mile.

Panda ko time to time refresh bhi kiya gaya jisse iske kuch naye version aaye:-

  • Panda 4.1 (23-Sep-2014)
  • Panda 4.2 (17-July-2015)

5. Penguin Update

Released : 24-April-2012

google-penguin-updatesApril 2012 me google ne ek naya update (Penguin) kiya jiska main kaam tha – Black Hat SEO aur Unnatural link wali posto ko penalize karna.

Penalize ka matlab hai Ranking ko decrease karne ke sath-sath ek negative mark bhi laga dena jisse us site ki dusri posts par bhi negative effect padta hai.

Yani ki jo post webmaster ke rule ko follow nahi karti ho un posts par penalty laga di jati .

Penguin ki guideline ke anusar:-

  • Aapke page par koi bhi broken, untrustfull or unnatural link nahi hona chahiye.
  • Focus keywords ko vahin paryog karen jaha uski jarurat ho. Yani ki keyword stuffing se bache.
  • Over Optimize na karen.

Penguin Algorithm Update me bhi samay-samay par badlav kiye gaye, Jinse iske naye version samne aaye:-

  • Penguin 3.0 (17-Oct-2014)
  • Penguin 4.0 Real Time (23-Sep-2016)

6. Pirate Update

Released : Aug-2012

pirate updatePrirate Update (DMCA Penalty) 2012 ka dusra bada update tha. Yah Algorithm update un website/Publisher ke liye banaya gaya jo Google ki copyright Policy ko follow nahi kar rahe the. Pirate update un Website/Publisher ko penalize karne ke liye banaya gaya.

Yani ki jo publisher dusri website se content, music ya video ko copy karke apni website par pulish karte ya phir sale karte the, Pirate unhe pakad leta aur phir unke khilaf action bhi leta.

Pirate ne apni ek community banayi jisme koi bhi publisher online complain kar sakta hai agar kisi ne unka content copy kiya ho. Aise me Google apne search console ke jariye un publisher se contact karta hai aur unhe wo content remove karne ke liye kahta hai. Iske sath hi vo un publisher ki sites ko penalize bhi kar deta hai.

7. Google Hummingbird Algorithm Update

Released : Sep-26-2013

google-hummingbirdApni search Quality ko aur adhik behtar banane ke liye Google ne Hummingbird Algorithm Update release kiya. Hummingbird ‘Fast’ aur ‘Accurate’ ko present karta hai.

Yah adhik teji se aur pahle se accurate search karne wala update tha. Yah query ke har word ko achi tarah samajkar result show karta hai.

Jaise, Agar koi ‘Top website to buy a laptop’ search karta hai tab Hummingbird iske sath ‘Top laptop selling website’ ke liye bhi result show karta hai.

Hummingbird se pahle Search ‘Keyword’ par aadharit tha lekin iske baad yah ‘Question’ par aadhrit ho gaya.

Iske sath hi Hummingbird Time, Social activities aur User ke interest ke hisab se bhi result show karta hai, Taki user ko uska favorite result mil sake.

To kya Hummingbird Pagerank ko ignore kar deta hai ?

Upar maine bataya ki hummingbird user ke interest aur situation ke hisab se result show karta hai, Par iska matlab yah nahi ki yah algorithm Pagerank ka paryog nahi karta hai.

Yah user ke interest ke sath sirf vahi result show karta hai jo high quality ke ho aur webmaster ke sabhi rule ko follow karta ho.

8. Pigeon Update

Released  : 24-July-2014

Yah Local search algorithm hai jo sabse pahle US English search ke liye release kiya gaya. Or baad mein UK Canada aur Australia me bhi lagu kar diya.

pigeon-updateIska main purpose user ke local area se most accurate search available karwana hai. Yah Google Map ka paryog karke user ki location pata karta hai aur uski query ke liye pahle local area ke result ko importance deta hai.

9. Mobile Friendly (Mobilegeddon) Update

Released : 21-April-2015

Jaisa ki naam se pata chalta hai Yah algorithm update only mobile result ke liye kiya gaya. 2015 tak bahut se user (lagbhag 80%+) google search ka paryog mobile me karte the, Par unhe unke mobile ke hisab se result nahi milta tha. Isiliye google ne yah update kiya jisme moble se hone wale search me vahi result dhikhaye jate jo Mobile-Friendly ho.

Moblie-Friendly Website Kya hai ?

Yaha aapka yah jaan lena jaruri hai ki moblie-friendly site kaun si hoti hai. Moblie friendly me ve site aati hai jo responsive ho yani device ki width ke hisab se auto adjust ho jaye. Iske sath hi uske loading speed aur page size kam ho.

To kya puri Website moblie-Friendly honi chahiye ?

Mobliegeddon unhi pages ko moblie search me dikhta hai jo mobile friendly hai, Lekin iske liye puri website hi moblie-friendly ho Ye jaruri nahi hai. Mobliegeddon website ke sabhi pages ko index karke unhe 2 category me divide kar deta hai:-

  • Moblie-friendly pages
  • Non-moblie-friendly pages

Is tarike se yah moblie me only pahli category ke page ko dikhata hai.

Moblie-Friendly Pages me kya hona chahiye ?

Google Mobliegeddon ke rule ke anusar in pages me ye feature jaroor hone chahiye:-

  • Page ki width responsive ho taki Mobile me page ko horizontally scroll na karna pade.
  • Page me sirf aise Text hone chahiye jo bina zoom kiye padhe ja sake.
  • Aisa koi plugin na ho jo mobile support na karta ho. (Jaise pahle flash player ko mobile me bahut se browser support nahi karte the.)
  • Link ke liye paryog hone wale anchor text/ image moblie me puri dhikhni chahiye.
  • Page ko bina zoom kiye samjha ja sake.

Note: Mobilegeddon Update ko dhyan me rakhte huye ‘AMP template’ banayi gayi, Jo bahut fast aur mobile friendly hai. Google bhi AMP pages ko Highrank deta hai aur apne search me AMP ko pahle show karta hai.

10. RankBrain Algorithm Update

Released : 26-Oct-2015

RankBrain_Hummingbird_Google_AlgorithmRankBrain ek Machine Learning Artificial Intelligence System hai. Yah total hone wale search ki 15% Query me effect daalta hai.

RankBrain ko ‘Hummingbird’ ki help karne wala ek part/program bhi kaha ja sakta hai. Yah search query ko behtar tarike se samajh sakta hai, Aur pahle se badhiya result show karne me madad karta hai.

RankBrain un Pages ko bhi search karne me help karta hai jinke liye focus Keyword paryog nahi kiye ja sakte hai.

Yah kaise kaam karta hai Iska sirf guess hi kiya gaya hai. Par 100% koi bhi sure nahi hai.

Kya RankBrain page ki ranking me effect daalta hai ?

Jaisa ki maine upar bataya ki Rankbrain page ko samjhne me madad karta hai, Yani ki yah page ko rank bhi karta hai.

Kisi bhi page ko rank karne ke liye 200+ Factors paryog kiye jate hai jinse se top hai:-

  • Content
  • Link
  • RankBrain

Ji haan dosto! Google ke anusar RankBrain page ki ranking ke liye teesra sabse important factor hai.

11. Fred Update

Released : 8-March-2017

Haal hi me Google ne ek naya update kiya hai jise ‘Fred Update’ ka naam diya gaya hai. Halanki ab Google apne kisi bhi update ki detail jankari nahi deta hai. Phir bhi google ne confirm kiya hai ki ‘Fred mainly un Pages ko target karega jinme Harmfull link hai. Iske alawa Fred un website ko penalize karega jo behtar tarike se link kharid rahe hai Ya PBN ka paryog kar rahe hai.’

PBN kya hai ?

PBN (Private Blog Network) ek Grey-Hat SEO technic hai Jo bahut se SEO expert paryog kar rahe hai. Isme thode-bahut related niche (Topic) par kayi sare blog banaye jate hai aur phir unse Main blog ko backlink diye jate hai.

Yani ki Kayi sare blog banakar main money site ko link dena hi PBN hai.


To friends! kaisi lagi yah jankari Comment karke jarur bataye. Iske sath hi agar aap ek blogger hai ya aapki koi website hai to use penalize hone se bachane ke liye uper diye gaye sare rule jarur follow karen.

Aur agar site pahle se hi penalize hai to humari yah post padhkar aap apni site se google ki penalty ko hata sakte hai.

Read: Penalize site ka kaise pata lagaye Aur site se penalty kaise hataye ?

Leave a Reply

Your email address will not be published. Required fields are marked *