Blogger par blog kaise banaye ? Step by step guide in hindi

Is post me mein aapko bataunga ki Blogger kya hai aur is par blog kaise banaya jata hai. Iske sath hi Blogger use karne ke benefit & iski limits bhi is post me share ki gayi hai.

Blogger kya hai?

Blogger.com Google ki ek free service/website hai jiska use karke hum aasani se aur bahut jaldi apna khud ka blog bana sakte hai. Blogger ko use karne ke liye hume kisi bhi Programing language (Jaise – HTML, JAVASCRIPT ) ke knowledge ki jarurat nahi padti hai. Blogger ki sabse badi khasiyat yah hai ki ye bilkul free hai jahan aapko Hosting, Domain name , Theme etc kisi ka bhi koi charge nahi dena padta hai.
Lagbhag 80% blogger shuru me Blogger.com ka hi use karte hai halanki inme se adhiktar baad me other platform par chale jate hai kyonki Blogger ki kuch limits hai.
To agar aap bhi blog banane ke baare me soch rahe hai ya blogging sikhna chahte hai to mein aapko Blogger.com use karne ki salah dunga. Kyonki New Blogger ke Liye Blogger.com sabse best hai. (Aap baad me apne Blogger par banaye hue blog ko WordPress par sift kar sakte hai.)
To chaliye Blogger use karne se pahle iske Advantage va iski limits jaan lete hai.

Blogger ke benefits/ advantages / Fayde

  1. New blogger ki pahli pasand: Blogger.com ko use karna bahut hi aasan hai jiske liye hume kisi bhi Programing language ya phir web designing ki jarurat nahi padti hai. Iske Panel/ Dashboard ko aasani se samjha aur use kiya ja sakta hai. Isiliye Blogger.com naye blogger ki pahli pasand hai.
  2. Ye Bilkul free hai: Blogger.com Totaly free hai jisme aapko kabhi bhi kisi bhi service ke liye pay nahi karna padta hai.
  3. Full storage: Blogger me har user ko 15GB storage milta hai jahan vo apne blog ke videos, images ya other file save rakh sakta hai. Halanki 15GB space bahut bada space hota hai jo aasani se nahi bharta hai lekin agar ye bhar bhi jaye to aap isse bada space bhi kharid sakte hai.
  4. Troubleshoot Support: Blogger ek bahut badi aur kafi famous website hai, Isiliye is par kafi blogonline community bani hui hai jo Blogger par aane wali mushkilo ka deeply solution deti hai. Iske alawa Blogger ki management help team bhi aapki har step par madad karti hai.
  5. Full Security: Blogger me hum apne Google account ka use karke hi login karte hai or Google account ko hack karna bahut jyada mushkil hai. Is parkar Blogger bahut jyada secure hai.
  6. Custom CSS support: CSS (Cascading Style Sheets) ka use karke hum apne blog ke design ko change kar sakte hai. Blogger me bhi aap custom CSS ko add kar sakte hai.
  7. Ad Support: Blogger ek free service hone ke baad bhi aapko apne blog par ad lagane ki permission deta hai. Aap apne blog par kisi affiliate marketing ya other ad network se ad lagakar earning kar sakte hai.
  8. Custom Domain name add kare: Shuru me blogger aapko ek free subdomain (Jaise – myblog.blogspot.com) deta hai lekin aap is par apna khud ka Domain name (Jaise – myblog.com) bhi add kar sakte hai. Ye service bhi Blogger free deta hai hai but domain name kharidne ke liye aapko domain registrar ko pay karna padta hai.
  9. SEO Tool: Blogger par aap apne blog/post ke liye keyword va discription add kar sakte hai taki aapka blog search engine par bhi show kare. Ye ek basic tool hai but ise achhi tarah use karke aap apne blog par jyada visitor la sakte hai.
  10. Custom Theme/Widget add kare: Blogger aapko apne blog ko liye basic themes & widget hi deta hai But aap other resaurse se aur jyada badhiya theme lekar Blogger par upload kar sakte hai. Isi parkar Widget me bhi aapko basic ke sath-sath custom widget bhi milti hai jo other developer dwara taiyar ki huyi hoti hai.

Blogger ki limits

Blogger.com ek bahut achhi service hai jiske bahut sare powerfull feachers hai. But Blogger ki kuch limits bhi hai jinko jaanna bhi aapke liye important hai.

  1. Tamplate ki kami: Blogger me tamplate/theme ki kami hamesha se hi rahi hai jabki Blogger ne haal hi me kuch nayi tamplate add ki hai but ye abhav vaisa hi hai. Outsite se upload ki gayi template bhi normal quality ki hoti hai.
  2. Widget/Plugin ki kami: Blogger me mamuli se basic widget aur thode se custom widget hai jo ek pro blogger ko kabhi khus nahi rakh pate hai.
  3. Google adsense ke liye wait: Google adsense blog par earning ka sabse best option raha hai. Ye ek powerfull ad network hai jo lagbhag har language & country ko support karta hai. Blogger me hum 6 mahine baad hi adsense ke liye apply kar sakte hai jo ki ek blogger ke liye kafi lamba waiting time hai.

To chaliye, Blogger ke advantage and limits janne ke baad jante hai ki Blogger par blog kaise banaya jata hai / ise customize kaise kiya jata hai.

Blogger par blog kaise banaye?

Blogger par blog banana bahut aasan hai va yah kewal 2 minute ka time leta hai. yahan aapko Google Account (Gmail) ki Jarurat padti hai. Agar aapne ab tak apna gmail account nahi banaya hai to aap humari ye post padhkar 5 minute me apna gmail account bana sakte hai – Gmail/Google account kaise banaye? (step by step guide in hindi)
Or agar aapke paas apna gmail account hai to shuru karte hai.
www.blogger.com par jakar ‘Sign in’ par click karen.

Apna gmail address aur password daalkar login karen.

Next page me aapko Google ke kuch terms dikhte hai jinhe aapko Agree karna hai (click to ‘I AGREE‘).

Next page me aapko blogger ke liye apne Google+ account ko confirm karna hai (click to ‘Continue to Blogger‘).

Ab Blogger ka welcome page khulta hai jahan aapko ‘CREATE NEW BLOG‘ par click karna hai.Is type ka ek popup page khulta hai-

new blog window on blogger

  1. Isme aapko apne blog ke liye koi bhi ek title bharna hai ( Jaise – Hindi GK).
  2. Is field me aapko apne blog ka address choose karna hai. Address yani ki aapka domain name (Jaise – besthindigk.blogspot.com). Agar aapne jo address dala hai vo kisi ne pahle se hi liya hua hai tab aapko naya address choose karna padta hai.
  3. Yahan se aapko ek theme choose karni hai. Is option ko aap skip bhi kar sakte hai. Skip karne par aapko ek theme automatic de di jati hai jise aap baad me change kar sakte hai.
  4. Saare Field achhe se bharkar ‘Create blog‘ par click karen.

Aapka naya blog ban chuka hai. Next step me blogger ka dashboard open ho jayega jahan se aapko apne blog ko cantrol karna hai.

Blogger Dashboard

  1. Posts: Yah option blog ki sari posts ko cantrol karne ke liye hota hai. Yahan se aap new post add karke publish/save kar sakte hai, pahle add ki gayi post ko edit/delete kar sakte hai.
  2. Stats: Is option me aapke blog ke visitors ka record hota hai. Yahan se aapko pata chalta hai ki aapke blog/post/page ko kitne logo ne dekha hai. Iske sath hi ve visitor kis country se hai, kaun sa browser ya operating system use karte hai.
  3. Comments: Yahan aapke blog par kiye gaye comments ka record hota hai. Yahan aap new comment ko approve ya delete kar sakte hai. Pahle se approved comment ko bhi spam/remove kar sakte hai.
  4. Earnings: Agar aap new blogger hai to aap is option ko use nahi kar sakte hai. Is option me Google adsense ko cantrol kiya jata hai. Blog jab 6 Month old ho jaye tab aap is option ka use karke adsense ke liye apply kar sakte hai. Approve ho jane ke baad aap yahan se apni earning dekh va cantrol kar sakte hai.
  5. Campaigns: Yah option Google Adwords se juda hota hai. Iska use karke aap apne blog ki ad banakar google ko de sakte hai jise google apne adsense/search se logo ko show karta hai, taki aapko adhik visitor mil sake. But ye service free nahi hai.
  6. Page: Jis parkar ‘posts’ me hum apni posts ko cantrol karte hai vaise hi yahan se hum apne blog ke saare pages ko cantrol karte hai.
  7. Layout: Yahan humare blog ka layout(format) diya hua hota hai. Yahan hum nayi widget add kar sakte hai, pahle add ki hui widget ko edit/remove kar sakte hai.
  8. Theme: Is option par jakar hum apne blog ki theme change kar sakte hai ya customize bhi kar sakte hai (Jaise – background change karna, webpage ki width change karna, custom CSS add karna etc.). ‘Edit HTML‘ me jakar hum apne blog or adhik customize (Jaise – footer credit edit karna) kar sakte hai but iske liye aapko Programing Language ki jarurat padegi.
  9. Setting: Yah humare blog ki setting ka option hai jahan par hum blog title, description,privacy,web address etc change kar sakte hai, sharing va comment ki setting kar sakte hai, Search engine ki bhi setting kar sakte hai, Blog user ko bhi add/edit/remove kar sakte hai etc.
  10. Reading List: Is option me ve blog show hote hai jo humne subscribe kiye hue hai taki hum unko directly padh sake. Yahan se hum new blog bhi subscribe kar sakte hai.
  11. Help: Jahir si baat hai aap yahan se koi bhi help le sakte hai. Aap apna question likhkar search kare va answer ko padhkar apni problem solve kare.
  12. Send feedback: Agar ‘help‘ me aapka manchaha answer nahi mila hai to aap is opton me apni query likhkar send kar sakte hai. Aap yahan se koi apna idea, Opinion bhi Blogger team ke sath share kar sakte hai.

To Friends, Ummid karta hu ki aap blog banana va Blogger ko use karna sikh gaye honge, fir bhi agar aapka koi question ya problem hai to comment me jaroor likhe.
Thanks.

3 comments

Leave a Reply

Your email address will not be published. Required fields are marked *